關於 z 高達 高清 ，我們在網路上蒐集到這些相關的討論、資訊與評價

【csl x Citi信用卡優惠】指定淨機即減高達$600 + 上台可享6個月月費回贈或額外2,000 Club積分！

👉 優惠詳情： flyformiles.hk/45275/
🎁 適用信用卡推介：
1️⃣ Citi PremierMiles Mastercard：flyformiles.hk/2752
2️⃣ Citi Rewards Mastercard：flyformiles.hk/2838
3️⃣ Citi Cash Back Mastercard：flyformiles.hk/7552
4️⃣ Citi Prestige Mastercard：flyformiles.hk/154
5️⃣ Citi 八達通信用卡：flyformiles.hk/6627

呢排真係有好多藉口想買野! Samsung岩岩出咗兩部5G新手機;想買得醒就梗係要睇下邊到有offer 啦~ 宜家去csl用Citi指定信用卡買野有優惠, 即刻分享俾大家呀！

- 優惠一：指定淨機即減高達$600^
單一簽賬金額滿$3,000即減$150、滿$5,500即減$300、$7,500即減$600！適用貨品包括細細部嘅Samsung Galaxy Z Flip3 5G、平板加手機嘅Samsung Galaxy Z Fold3 5G、iPad Pro、13” MacBook Pro等等！

- 優惠二：上台可享6個月月費回贈*
- 優惠三：簽訂指定上台或續約計劃，可享額外2,000Club積分#
- 優惠四：全新Now TV客戶申請指定頻道組合，送2,000Club積分@

留意返優惠二或三只可以enjoy到一樣！買機有減，然後上台又有月費回贈，或買指定5G手機及上台額外有2,000 Club積分送，即係又可以去返Club Shopping買野，真係一簽幾賺呀！所以去csl就記得要帶埋張Citi信用卡啦！

借定唔借? 還得到先好借!

優惠期由2021年9月1日至2021年10月31日。
^須以建議零售價購買。每位客戶只可享優惠一次。
*須簽訂指定服務及預繳指定金額 ，月費回贈總額不包每月$18行政費及增值服務費並於承諾期內分期回贈至csl帳戶中。 優惠二及三不得同時使用#須簽訂指定服務及預繳指定金額 。除特別註明外，優惠不能同時使用。
@優惠只適用於指定Now TV新客戶訂購指定24個月之指定特選雙重組合推介之選 (南丫島客戶除外) ，客戶須額外每月繳付指定地區之高清接駁費，而高清服務只適用於Now TV安裝地址位於高清覆蓋地區。 Club積分之計算、兌換及有效期受Club HKT Limited 的條款及細則約束，詳情請參閱The Club之網頁www.theclub.com.hk。優惠受有關條款及細則約束。

路由器知名品牌 Linksys 啱啱就喺香港發佈咗首款，配備 Wi-Fi 6 又即係 AX 制式嘅路由器 EA9350，我都去咗佢哋嘅發佈會喎，今日就同大家睇吓！

配備 Wi-Fi 6 制式嘅 Linksys EA9350 路由器，可以為用家帶嚟高達 4.5 Gbps 嘅網絡容量同埋效率，相比起上一嘅 Wi-Fi 5 技術，Wi-Fi 6 可以同時為50部裝置，以相同嘅頻寬同時傳輸同埋接收數據，延時亦都進一步降低，更可以消除附近無線網絡嘅干擾，提供更穩定、更順暢、反應速度更快嘅網絡體驗。

咁 Wi-Fi 6 又即係可以做到幾快幾穩定呢？具體啲講，就算你睇緊 8K 嘅超高清串流，EA9350 嘅 Wi-Fi 6 技術絕對應付到有餘，由於採用咗 BSS Coloring 嘅頻譜管理機制，減少受到附近 Wi-Fi 嘅干擾，喺屋企甚至乎公司上網就唔會再遇到時快時慢、一時上唔到嘅問題喇。

另外，EA9350 採用咗頂級嘅 1.8 GHz 四核心高效能處理器，起遇到複雜同埋大量嘅資料傳輸嘅時候，都唔會 hang 機或者窒下窒下，秉承一貫 Linksys 路由器嘅優良傳統。另外，無論連接供應商同埋其他四個 Lan Port，都用上咗千兆 Gigabit 連接埠，確保頂級嘅表現。用戶亦都可以透過網頁版嘅介面或者Linksys App，簡易咁設定路由器同埋網絡，方便易用！

雖然宜家只有部份旗艦手機好似 iPhone 11 系列、Samsung Galaxy S10 同埋 Note10 系列係支援 Wifi 6 嘅技術，不過一部 Router 隨時可以用到幾年，加上數據傳輸量越嚟越大，想買新 Router 嘅朋友，絕對應該考慮 Wi-Fi 6 嘅制式。

Linksys EA9350 推出嘅初期將會由 HKT 獨家發售，賣HK$2399。

Linksys 同日亦發佈咗市場首款智能動態感應技術 Linksys Aware，透過現有嘅 Velop Triband系列 Mesh 路由器，感應動態，既可以提供準確嘅動態報告，又可以確保住宅中嘅私隱性同埋便利性，對於有小朋友、老人家、或者有寵物嘅朋友就多個智能嘅選擇喇！

咁好嘅產品同埋服務，我哋當然會盡快同大家做測試啦，記得留意我哋Z世代達人！

《Z世代達人》
麥卓華

小米喺 2019 年 9 月發佈咗全新嘅產品小米9 Pro 5G 同埋限量生產嘅 小米 Mix Alpha 5G，以全線支援 5G 為賣點，宜家即刻同大家睇吓！

首先講吓小米9 Pro 5G。呢部機採用咗幾乎最先進嘅零件，包括採用 Snapdragon 855+ 嘅處理器、配合最高 12GB 嘅記憶體同埋 512GB 嘅內存容量，絕對係頂級旗艦手機嘅標準配置。

螢幕方面用咗 6.39 吋三星 AMOLED 水滴屏，配合專業嘅顏色管理技術，進一步提升色彩嘅準確度。相機方面，小米9 Pro 後置3個分別係 4800 萬像素嘅主攝、1200 萬像素嘅人像、以及 1600 萬像素嘅超廣角加微距鏡頭，支援兩倍光學變焦，配合手機軟件嘅 AI 技術，影靚相？話都冇咁易。而前置鏡頭亦都唔弱，用上咗 Sony 2000 萬像素嘅美顏相機，自拍都一樣冇問題。

今次小米9 Pro 冇分 4G 或者 5G 版，而係所有手機都支援 5G 嘅技術。呢部手機兩個卡槽都可以支援 5G SIM 卡，最高嘅流動網絡下載速度可以達到每秒 2Gbps，
無論你係睇緊 4K 甚至 8K 電影，定係要大量下載流動應用程式甚至相片，都一樣無問題啦！

另外，小米9 Pro 亦都加入咗電競級嘅 VC 液冷散熱系統，可以為手機處理器核心最高降溫攝氏 10 度，配合手機零件同埋外殼嘅選料，當進行 5G 高速下載嘅時候，一樣唔會因為手機發熱而影響表現！另外手機內置 4000mAh 嘅電池，配合最高 40W 嘅超級有線快充技術，充滿成部機都只係需要 48 分鐘，手機亦都配備 30W 嘅無線快充、亦都同時支援 10W 無線快充其他裝置，隨時仲快過你屋企嘅舊款無線充電版啊！

今次小米9 Pro 5G 將會推出夢之白同埋鈦銀黑兩隻顏色，價錢方面介乎 3699-4299 人民幣，絕對係市面最平同埋性價比最高嘅 5G 旗艦手機。

小米同場亦都發佈咗全新嘅小米 Mix Alpha。呢部號稱可以探索未來嘅 5G 智能手機，雖然用上咗柔性可摺屏幕，但係就唔隨波逐流開發接合手機，反而發展出呢部擁有 180.6% 屏佔比嘅雙面手機 Mix Alpha。除咗正面同埋手機兩邊都係屏幕，連手機背面嘅大部份位置都由屏幕取代，相當好玩同好睇。

由於手機嘅兩邊都係屏幕，所以 Mix Alpha 採用咗虛擬控制鍵，想較大細聲甚至其他功能，掂下個邊框就搞掂㗎喇！

背面唯一唔係屏幕嘅地方，就係手機嘅鏡頭位置。喺呢個夢幻手機入邊，鏡頭又點可以冇突破呢？今次三個主鏡頭入邊嘅其中一個，係支援一億像素嘅超高清三星 H M X 鏡頭，配合超高嘅感光元件同埋尺寸，可以影出畫質細緻而且清楚嘅相片，
絕對係手機界嘅突破。

另外，手機核心同樣使用 Snapdragon 855+ 處理器、12GB 嘅記憶體、512GB 嘅內存以及支援 5G，一啲都唔失禮啦！

想買呢部手機可能就要等等同諗諗，小米初步估計要到 2019 年底先至會限量生產呢部 Mix Alpha，而價錢方面就高達 19999 人民幣。抵唔抵呀？咁就見仁見智啦！

《Z世代達人》
麥卓華

三星 Samsung 喺香港時間 2019 年 8 月 8 日 嘅凌晨發表咗今年旗艦手機 Galaxy Note 10 系列，宜家就同大家介紹一下！

同往年唔同，今年嘅 Galaxy Note 系列分咗 6.3 寸嘅 Note 10 同埋 6.8 寸嘅 Note 10 +，進一步滲透對手機螢幕大小有唔同需要嘅用家。對比上一代，Note 10 同埋 Note 10 + 更體現到全面屏嘅優勢，上下兩條邊框都大幅收窄，加埋放置喺頂部中間嘅 Infinity-O 前置鏡頭，屏佔比提升到 Note 10 嘅 90.5% 同埋 Note 10 + 嘅 90.7%，機背嘅鏡頭亦都一改以往打橫嘅設計，改為同 iPhone 同埋華為新款機一樣打直咁放喺側邊。Note 10 系列只有 USB-C 嘅接口，取消咗 3.5mm 嘅耳機位，對於用開有線耳機嘅用家要升級就有少少唔習慣喇。

硬件方面，Note 10 系列會用上最新嘅 7 nm 處理器，相信同以往一樣，香港版本將會使用頂級嘅 Snapdragon 8 系處理器，配合 Note 10 嘅 8 GB Ram 同埋 Note 10 + 嘅 12 GB Ram 。內存方面就有 256 GB 同埋 512 GB 嘅兩個版本，Note 10 + 仲支援高達 1 TB 嘅外置 SD Card，即係 Note 10 + 最多可以有 1.5 TB 嘅儲存空間，相信放大量嘅高清片都唔成問題啦！

電量方面、Note 10 同埋 Note 10 + 分別配備咗 3500 個 mah 同埋 4300 個 mah 嘅電量，應該足夠一日使用，而 Note 10 支援 25 W 嘅有線同埋 12 W 嘅無線快充，Note 10 + 更加支援 45 W 嘅有線同埋 15 W 嘅無線快充，大約充半個鐘頭電，就夠一日用喇！

機背嘅鏡頭方面 Note 10 系列都配備咗 3 個分別係 1600 萬像素嘅超廣角、1200 萬像素嘅標準同埋1200 萬像素嘅望遠鏡頭，而 Note 10 + 仲有一個 ToF 鏡頭，可以準確咁計算景深。

而 Galaxy Note 系列最大嘅特色就當然係支 S-Pen 啦！今年 S-Pen 加入咗懸浮手勢控制功能，配合簡單嘅手勢，可以轉換前 / 後鏡頭， Zoom In Zoom Out ，或者瀏覽之前之後嘅項目等等，
配合內置嘅手機應用程式嘅軟件，仲可將 S-Pen 寫好嘅文件或者畫好嘅圖，儲存為 Microsoft Word 同埋 PDF 嘅辦公室常用制式，真係相當方便！

Note 10 同埋 Note 10 + 都同時推出 4G LTE 同埋 5G 版本、不過 5G 版就只係喺已經推出 5G 服務嘅地區先至會有得賣喇 。雖然暫時未有香港同埋亞洲其他地區嘅賣價，而美國方面嘅售價就係 US $ 949 起跳，並於 8 月 23 號全球開始發售。

《Z世代達人》
麥卓華