公佈業績都有得Fergie Time!?
今朝同大家談及 #曼聯 比往年遲公佈全年業績(https://bit.ly/3iYezl6), 我仲話唔遲過30/9公佈就ok, 有朋友留言分享MEN報導曼聯考慮十月先公佈業績(https://bit.ly/2Eydp0G), 於是我走去摷規則研究。一睇，喂，原來真係有得Fergie Time 㗎喎!
香港同美國都規定上市公司要喺年結日三個月内公佈全年業績，香港上市規則第13.50條 (https://en-rules.hkex.com.hk/node/2573) 甚至規定上市公司如果唔能夠如期公佈業績的話，就要停牌直到公佈到為止。但原來美國證管會有條 Rule 12b-25 (https://bit.ly/2FVcwjm)，明文容許上市公司透過遞交指定表格，延遲公佈季度業績最多五日，或者全年業績最多十五日，而遞交有關表格必須要喺原本嘅限期之後嘅一個工作天提交，亦需要填寫延遲嘅原因。只要喺呢段寬限期内完成公佈業績就唔當違規，即係攞正牌 Fergie Time! 長知識了...
英超轉會窗 5/10 就關閉，似乎曼聯真係可以利用呢條例，等埋轉會窗關閉先出業績。唔知曼聯嘅 auditor 會唔會用埋VAR技術去判斷曼聯班球員有無減值呢?
