關於 unseen dictation ，我們在網路上蒐集到這些相關的討論、資訊與評價

【有獎Unseen Dictation！】英國新任首相Boris Johnson鬼食泥一樣的英式口語

學好聽力是很重要的。

有時聽不懂，除了是因為別人說話太快之外，也是因為沒留意一些快讀輕讀的rules。

What’s the problem一句重音在pro，其他音節相對讀得較快較輕。

正如我說My name is Siu，重音在Siu，其他音節相對不重要。

初學英文的同學留意了。

暖男叔叔

PS: 星期一晚11點，再來久違了的蕭叔叔英式英文學會 unseen dictation。

講兩句《某日某月》（含劇透）
—
　　《某日某月》係一套睇完之後你會厭惡自己世故嘅電影，因為故事中嘅感情已經唔係純過蒸餾水咁簡單，而係果種純潔無瑕嘅一比九十九漂白水。
—
　　以成年人嘅角度去睇部戲，完全明白有人會覺得「多x餘」，媽媽唔比出街又搞一大輪，無里頭又會互相鍾意，做啲無謂懶浪漫嘅動作，原島大地串咀到一個點，目中無人嘅離地，成個故仔主角都唔知有無見過幾面等等，最爆粗果吓係臨別秋波，去到粒粉紅色波唔係搞嘢，咀都唔咀吓，而係睇星，講愛的宣言。甚至離場果陣，我親身聽住有個觀眾話：「王家欣好睇好多倍！」
—
　　而事實上，我喺套戲頭三分一嘅時候，一樣睇到有搖頭嘆息嘅感覺，覺得故事離地，但後來我又叮咗一聲，諗番起我中學果陣，係點睇愛情呢回事。
—
　　今時今日覺得細囈嘅嘢，其實喺中學果陣就係一場又一場嘅大事。我好記得第一次英文默書零分（玩unseen dictation逐個錯字扣分果隻），比呀媽簽名係一件幾令人膽戰心驚嘅事；面對鍾意嘅女仔，等咗成個學期，甚至幾年，都唔夠膽同佢講半句說話；點解會鍾意女同學？無點解架，純粹望到第一眼就鍾意佢；拍拖果陣會做啲好MK嘅嘢，講啲到今日自己會恥笑番自己嘅說話，做無意義嘅嘢，但又會為咗個女仔食唔安坐唔落，或者發奮做人。
—
　　呢啲情節，當人經歷多咗之後可能會覺得無紋無味，覺得好流，正如我哋可能會笑子月同旭日見過幾面就咁痴纏，覺得好傻好離地。其實《某日某月》，只係還原番曾經幼稚嘅我哋，年青人嘅點滴又的確係咁。有無曾經為過女同學發奮？有無曾經為過男同學扮靚？有無為你鍾意嘅人做過幼稚嘅事？有啲傻事可能已經被遺忘，但相信學生哥去睇，會有更深嘅共鳴。
—
P.S.1.除咗劇情，電影亦有明顯缺陷，例如配音上屢有唔夾口形嘅情況出現。
P.S.2.如果要配合咁極端嘅純愛劇情，主角年齡其實應該再推前少少，例如十四、五歲，但恐怕搵唔到演員去演，主角同一眾配角要演中五、六生其實已見相當吃力。
P.S.3.無疑配角比主角更加搶眼，或者係劇本未能令演員有較大嘅發揮空間，係一大可惜。
P.S.4. MVP CAP TV!!!!!!!見到個樣就想笑!!!!!!!
P.S.5. 買粒星送比人嚟溝女，係咩玩法？
—
某日某月