［夠鐘食藥啦，六師弟］（明報原文：手機程式提醒 夠鐘自動派藥 自動分藥機助長者服藥 減照顧重擔 http://bit.ly/2SHyZoh） 因為出唔使成個圖，唯有只share 張圖。
本身我都有幫初創公司，所以都係唔係好想潑人冷水。不過又掉返轉頭，因為我有幫初創公司，亦知道初創公司畀人潑冷水係家常便飯。Steve Jobs都畀人覺得佢係低能仔邊有人幾千蚊買部電話，廉航都畀人話白痴邊有人肯唔食飛機餐幾蚊機票點維皮。
聽落妙想天開，登陸火星砌火箭，嗰啲都還好喎。因為要Dream 就Dream Big，馬太福音話齋，人生就梗係成大事瀨大嘢。反正都畀人笑，就搵舖勁啲嘅。但我見好多香港初創，都係貪簡單，low hanging fruit，求其搞個app搞個平台，簡單易搵錢，啱啲輕資產嘅基金，又容易解畀人聽。
頭盔戴完。同行未必如敵國（反正都唔同產品），但我近年真係見極多「聽落都知戇鳩」嘅產品，咁有啲係隔離鄰舍或者自己朋友啲朋友費事講啫。（有興趣知多啲可以加我個人Facebook），拍埋去即時覺得自己朋友檔嘢都唔係好濕鳩。當然亦有人質疑我呢啲金融撚識條春，隔行八重山，唔好去幾次 seminar 睇幾次 site visit 就當自己識。（我日日返大陸feel的區又要同你匯報進度呀可？）
好啦，今次呢個產品，我真係覺得好唔掂。亦體會到年輕真好—因為真係唔會知啲老人家嘅苦況。首先，三千五百蚊，你真係太睇得起香港嘅老人家。香港雖則多有錢廢老，但都仲係大把人三百五十都唔會畀—我傳統一個藥盒幾錢？畀三千蚊乖孫佢提我好過啦。第二，你真係覺得老人家識玩呢部嘢？我阿麻死前都幾精靈，冇乜咩腦退化之類，但你叫佢開個熱水爐，都幾艱巨。
而最重要嘅係：仆你個街，啲字咁撚細隻點睇呀梁國雄議員！我當啲長者識英文都好，鬼睇到咩！
而我更有理由相信，啲字根本係細到後生仔都睇唔到，根本連創辦人自己都睇唔到—因為，佢個 Schedule 係串錯字嘅。定特登食字架？你部嘢不如叫 「無E可靠」丫，英文名The Death of Mr. Lazarescu
