我想講下Eaton HK這間酒店有幾好。我諗有些係大家已經知的，有些係大家唔知的。
其實佢變成了Eaton Workshop後，在華盛頓有一間「分店」，唔少報導講過，佢係一間政治上非常進步的酒店。可能有人會問，搞酒店都可以politically progressive？係呀，佢就係犀利在咁樣。佢既主理人就係開宗明義話，即使盤生意係經營「酒店」，但係要同時用呢個空間為希望帶來社會轉變既文化工作者服務，唔介意被傳媒形容為'activist hotel'。
佢網頁上走馬燈咁樣scroll來scroll去的一行字係：一個更正義的世界，在其中我們人人都可解放成最真的自己。(A more just world where we are all liberated to be our truest selves)
佢外牆幾塊大廣告板，唔係賣廣告，而係畀artists用來展示作品，剛好過去一整年，最大最當眼對住彌敦道果塊廣告板，展示一張作品，簡單問一句：'What Does Your Revolution Look Like? '。在酒店最當眼的一幅牆展示呢個問題，本來就好cool，所以無數人打卡。但去年6月後，佢都完全不避嫌，好開放咁一直留低這作品。Revolution咪revolution囉。
另外一面對住加士居道既幾塊廣告板，可能相對少人留意，但係長時間display過大幅既情侶照片，有gay lovers、有lesbian lovers、也有跨種族的heterosexual couple。它的正門，掛住彩虹旗。
2018年後呢間唔再係原本的逸東酒店，re-brand之後甚至叫Eaton Workshop，佢真正有型既，唔止係人人都有眼見得到入時而stylish的設計，唔止係型左而且好味的餐飲，而係佢撥出一大舊空間、一大筆資源，特意支持好多文化工作者同埋追求社會變革既人。所以佢除左酒店應有既東西，仲有展覽空間、電影院、同埋創意工作者可以租用既空間。如果你有留意，佢仲有個小書櫃會賣關於香港文化同理論、獨立出版既書(朋友留言話，佢酒店客房內有放董啟章、白雙全、Angela Su的書)。
2018年，在俄羅斯成日被監禁既政治藝術團體Pussy Riot成員黎香港，就係參加在Eaton舉辦既節目，係講同志權利既文化節。
2019年初，Eaton舉辦過人權藝術獎展覽，得獎作品擺滿酒店唔同角落，而當時主辦既人權機構Justice Center，office都係租用Eaton。
呢類programme未必係大家成日會參加，但佢係默默用某種方法在做好事，在explore良心企業可以點搞(今後可留意多點佢既arts and culture節目啊)。佢係consistently在做一間企業難得做到的事，所以佢最近個聲明可以寫得咁好，唔係一朝一夕的。
仲有，朋友提醒我一個佢重新開張之後，十分impressive的細節。佢廁所門的男女廁sign，代表男女的logo設計，都是特別提醒人gender不應被定型的。Conscience is in the details。
好，講完比較次要既，講下重點。
人人都大讚佢既foodcourt，尤其係mum日常野菜，賣日式素便當，讚美極多，唔多講了。佢地明顯係有細心引入小店的。
佢個自助餐係我心目中香港no.1的，每個section都非常用心，唔只質素，抵既程度都首屈一指同不可思議。香港無酒店自助餐係咁thoughtful，咁重質不重量的。好少有凍波士頓龍蝦有佢這個新鮮度，海南雞飯竟然又有水準，就連任食海膽手卷入面的海膽都可以。無論對buffet有多討厭，這兒都有力令你改觀的。
茶樓逸東軒米芝蓮一星，近年如果要去靚地方飲茶、食fine的中茶的話，首選係呢度。叉燒當然一絕，佢既點心係令人對世界有返希望的。
但我覺得最好既係好多人可能忽略左，佢改裝後的酒吧Terrible Baby，戶外空間那部份經營得非常好，cocktail功夫扎實，酒既類型精心挑選過。
現在困難時刻，佢既buffet、中菜、酒吧，都在做大特價。我地一有機會，就去好好懲罰佢吧。
之前手足會講「黃藍是政見，好味是良知」。Eaton飲食方面，真係良知爆燈。
最後，好多次，彌敦道呢個位置打到七彩時，任何人都仲可以行入去食野。我諗，真正既美味係咁樣。
(p.s. 私心講多句建築風格，其實佢係香港算有趣的postmodern architecture，在酒吧terribly baby看清楚看到它外形的設計，而且望住那部子彈lift，是賞心樂事。Terribly baby露台看過對面，循道衞理聯合教會九龍堂，係本土現代主義建築大師司徒惠出色的作品。另，佢頂樓個游泳池經過精心設計，但應該唔多人知道)
postmodern architecture 在 91 Postmodern Architecture ideas - Pinterest 的美食出口停車場
Aug 12, 2015 - Explore ogi-ltd.myshopify.com's board "Postmodern Architecture", followed by 643 people on Pinterest. See more ideas about architecture, ... ... <看更多>