【柏寧酒店住宿報告📢 Multi-Masking Spa-cation 二人房價 HK$1,399 (連服務費 HK$1,539)起】
🛏 今次加錢升級咗尊貴行政客房(維港景觀)，房價 HK$1,999 (連服務費 HK$2,199)起，係酒店新裝修嘅客房，有 Nespresso 膠囊咖啡機，最正係有個望到海景嘅浴缸！嚟慶祝生日或者紀念日嘅話，酒店仲會幫手安排房間佈置㗎🎈每房會送一盒共兩款的 ORIGINS 面膜，訂房個時可以揀埋要排毒、保濕、潔淨或者光澤等功效嘅 Mask，仲要全部都係貨 Size 嚟㗎😍平時出去買都成 6 舊水，今次 Package 有送埋真係好抵👍🏻另外，仲有包埋健康排毒鮮美肌果汁同鮮果盤，一般呢類健康蔬果汁都好難飲，好彩呢款都有加糖，唔算難飲😂而且仲有跟兩個蜜糖可以點下士多啤梨食～
🥂嘢食方面，主要都係去 Lounge 食，記得準時去先可以霸到面對住海景嘅靠窗座位㗎✨每位去都會有一份小食同飲品，唔夠食可以再添！首先，下午茶時段會有 3 款小食，茶飲係用 TWG 茶包沖㗎☕️而雞尾酒時段就有 5 款小食，而且比下午茶嘅更精緻，仲有 10 幾款啤酒、紅白酒同各式烈酒可以揀🍷而自助早餐就喺 PLAYT 享用，中、西式嘢食都有，其中早餐靈魂嘅薯餅、麵包、煙肉、腸仔都有齊，仲有即叫即整嘅雞蛋料理同湯面。
🍽Package 冇包 Dinner，但每人加 HK$640 起就可於天台酒吧及餐廳 SKYE 享用 4 道菜晚餐，前菜有法國吉拉多生蠔，主菜有炸三文魚柳配芝士意式雲吞或 200 日穀飼牛柳兩款可以揀，份量好夠飽，而且每碟上菜時，隻碟仲會熱熱地 Keep 住為菜式保溫，真係超細心❤️
🖌優惠有包埋酒店體驗班，小編就揀咗 Art Jamming🧑🏻🎨體驗當日安排咗喺客房內進行，感覺都幾自在，而且有電視📺同私人廁所🚽可以用！不過顏料選擇唔算多，有好多色都需要自己調🎨留意呢個活動係俾兩位住客一齊畫一幅畫，過程唔會有導師指導，完全自由發揮，時長兩個半小時，建議大家都係畫簡單啲，如果唔係都唔太夠時間玩。
詳情可參考：https://www.runhotel.hk/parklane-staycation
parklane skye 在 SKYE | Hong Kong Hong Kong - Facebook 的美食出口停車場
SKYE (skye roofbar and dining) · 粉絲專頁 · 法國餐廳 · 27/F, 310 Gloucester Road, Causeway Bay, Hong Kong, Hong Kong · +852 2839 3327 · [email protected]. ... <看更多>