唔知你有冇試過，喺 iPhone 上面，想 Print 份 PDF 再 Send 出去俾人？好多朋友都以為要下載 app 先至做到，今日就等我話你聽，原來每部 iPhone 都已經內置左呢個功能㗎喇！
好似想 print 個網站或者網店買嘢嘅收據做 PDF，方便send返出去或者保存嘅時候，無論你係用緊 Safari 定係用緊 Chrome，都可以揀呢個「分享」嘅選項，跟住就揀列印，入到呢個畫面，就長㩒下面嘅頁面，當有「預覽」彈出嚟之後，再㩒一下，就會出現一個放大咗嘅預覽，揀番右上角嘅「分享」、再揀「儲存至檔案」，跟住喺呢度你可以幫個 PDF 改名，再揀埋要 Save 喺電話定係 icloud，跟住就完成！
如果你係 Save 喺 iPhone 入邊，只要去「檔案」App，揀返儲存嘅位置，搵到個 File 之後長㩒一陣，再揀「分享」，你就可以用 WhatsApp 或者Email 成個 PDF 出去，以後就唔洗大機都可以 Print-to-PDF 啦！
