關於 nespresso esg ，我們在網路上蒐集到這些相關的討論、資訊與評價

［雀巢賣走Haagen-Dazs、Dreyer's同Drumstick，唔係唔好搵，係太好搵］

1. 拿，呢啲就多角度新聞啦。好多演繹方法，就睇作者（本人）功力啦。

2. 正如雪糕甜筒咁，食晒啲朱古力同花生果仁先又得，舔又得，大啖咬又得，甚至咬穿個底在下面吮都得（細個成日做，好多年冇玩，聽日試下先）

3. 表面上，有乜特別。咪萬惡嘅雀巢，出售美國雪糕業務。係喎，Haagen-Dazs係雀巢（港女覺得好high），Dryers 又係雀巢（細個食覺得好high），唔止，今次仲會賣埋Drumstick．唔知咩係Drumstick？落七十一就知。

4. 係喎，成堆牌子都係雀巢的，冇乜特別，好多公司好多行業都行呢條路。之前咪寫過LVMH係味將軍（http://bit.ly/2RVrutd），潮流界美心。迪士尼又係電影味將軍（http://bit.ly/34bMjmD）。雀巢一樣，對手聯合利華（Unilever）都係，或者舊年（呼，話咁快一年）嘅Kraft Heinz卡夫亨氏亦都係（http://bit.ly/2IwDM8c），又係一鑊泡嘅強生Johnson and Johnson亦係 (http://bit.ly/2Gu2aTF)

5. 當年在英國（呼），P&G Procter & Gamble就玩超級無敵馬拉松，大家鬥數佢地旗下嘅品牌。其實都十分土豪。

6. 講返，賣咪賣咯，有乜好討論？獨立嚟睇梗係冇特別，但睇返成個大圖，就要講兩樣嘢：公司方向，同埋賣畀乜水啦。

7. 先講公司方向，近年其實賣走唔少嘢。之前寫過，雀巢甘脆Crunch賣咗畀意大利佬（http://bit.ly/2YLM0xM），另外，亦都似乎專注返啲比較「健康」嘅產品。例如嬰兒食品，仲有人造肉，仲有之前異軍突起嘅Nespresso，而家星巴克都有佢份，不過只係便利店，同埋在屋企入膠囊（http://bit.ly/2POAiyv）。

8. 咁你話，順應潮流啦，消費者健康啲嘛，良心公司都配合。咁就太天真。首先你可以睇下麥當勞或者KFC（母公司YUM Brand，仲有埋百事，兩大邪惡嘢，果然冇改錯名，萬惡YUM為首）股價，就知消費者有幾健康。至於公司良心啦喎，你可以去雀巢度問下。

9. 講過了，之前雀巢賣Crunch，賣畀乜水？就係意大利佬Ferrero。 Ferrero.本身已經有Kinder， Nutella， 金莎，加埋Crunch，絶對係邪惡中嘅邪惡。所以話意大利佬係世界文明公敵！講笑啫，Ferrero夠膽做咁多陰質生意（而家賣朱古力賣雪糕形象衰過賣大麻），唔係因為係意大利佬。係因為：冇！上！市！

10. 睇到呢度就明了。雀巢點解要賣走咁多朱古力呀雪糕呀之類嘅嘢？唔係唔好搵，而係怕畀人鬧，怕畀人告。特別係而家阿豬阿狗都講ESG（本人覺得相當搞笑）。上市公司，搞呢啲嘢，好易畀人搞—賣去非上市公司咪得。

11. 係喎，講埋對象嘛。今次接手Haagen-Dazs、Dreyer's同Drumstick嘅，當然係非上司公司。雪糕公司Froneri，大嘢，但應冇乜人識—最重要係冇上市。

12. 但可愛嘅係乜？就係，根撚本Froneri就係雀巢有份嘅！係雀巢同法國私募基金嘅合營。最初設立亦都係為咗甩走雀巢歐洲雪糕業務。唔好搵？唔好搵就唔會仲渣住啦。只係換個方式，唔直接持有，掃落地毯底咪冇咁覺。到時有人質疑，咪大條道理講「我地係純投資者，入面點營運你就問返Froneri啦」。你去問Froneri？非上市公司，睬撚你都有味啦。呢啲扯貓尾技巧，BBA101啦。總之衰嘢唔好自己直接做—但又要分返一份。

13. 然後真係明晒，今次掃落地毯底嘅，係美國業務喎。有冇令你諗起乜？咪就係煙仔公司，菲臘摩利士Philip Morris同埋Altria（http://bit.ly/30VRdnf）。兩間本是一家，做乜會分開萬寶路美國同萬寶路國際？就係因為美國監管嚴（同埋都成熟，反而中國印度印尼仲有大把潛在煙鏟）

14. 係喎，賣雪糕賣朱古力，真係等於賣煙仔的，幾咁大鑊。

15. 教訓？你鬧上市公司仆街？其實唔上市嘅公司先最仆街。當然上市公司可以cap多啲錢，後話。但上得市就要面對啲分析員呀，基金經理呀，環保人士呀，維權者等等嘅質問，然後又要搞一大輪去整啲咩　ESG報告，以表示本公司都好有良心—　當中都製造唔少就業同生意，有機再講

16. 不過都預告定，呢啲乜乜ESG有幾搞笑，用一個例子睇到：如果你買良心ESG基金，結果就會買埋好多沙地阿拉伯債券（https://on.wsj.com/2YNLoaS）。所謂好多，就係比指數被動投資者多。點解會咁搞笑？因為沙地阿拉伯在ESG方面做得好好架，ESG評級機構係咁講。你唔係質疑人地下話？

［雀巢賣走Haagen-Dazs、Dreyer's同Drumstick，唔係唔好搵，係太好搵］

1. 拿，呢啲就多角度新聞啦。好多演繹方法，就睇作者（本人）功力啦。

2. 正如雪糕甜筒咁，食晒啲朱古力同花生果仁先又得，舔又得，大啖咬又得，甚至咬穿個底在下面吮都得（細個成日做，好多年冇玩，聽日試下先）

3. 表面上，有乜特別。咪萬惡嘅雀巢，出售美國雪糕業務。係喎，Haagen-Dazs係雀巢（港女覺得好high），Dryers 又係雀巢（細個食覺得好high），唔止，今次仲會賣埋Drumstick．唔知咩係Drumstick？落七十一就知。

4. 係喎，成堆牌子都係雀巢的，冇乜特別，好多公司好多行業都行呢條路。之前咪寫過LVMH係味將軍（http://bit.ly/2RVrutd），潮流界美心。迪士尼又係電影味將軍（http://bit.ly/34bMjmD）。雀巢一樣，對手聯合利華（Unilever）都係，或者舊年（呼，話咁快一年）嘅Kraft Heinz卡夫亨氏亦都係（http://bit.ly/2IwDM8c），又係一鑊泡嘅強生Johnson and Johnson亦係 (http://bit.ly/2Gu2aTF)

5. 當年在英國（呼），P&G Procter & Gamble就玩超級無敵馬拉松，大家鬥數佢地旗下嘅品牌。其實都十分土豪。

6. 講返，賣咪賣咯，有乜好討論？獨立嚟睇梗係冇特別，但睇返成個大圖，就要講兩樣嘢：公司方向，同埋賣畀乜水啦。

7. 先講公司方向，近年其實賣走唔少嘢。之前寫過，雀巢甘脆Crunch賣咗畀意大利佬（http://bit.ly/2YLM0xM），另外，亦都似乎專注返啲比較「健康」嘅產品。例如嬰兒食品，仲有人造肉，仲有之前異軍突起嘅Nespresso，而家星巴克都有佢份，不過只係便利店，同埋在屋企入膠囊（http://bit.ly/2POAiyv）。

8. 咁你話，順應潮流啦，消費者健康啲嘛，良心公司都配合。咁就太天真。首先你可以睇下麥當勞或者KFC（母公司YUM Brand，仲有埋百事，兩大邪惡嘢，果然冇改錯名，萬惡YUM為首）股價，就知消費者有幾健康。至於公司良心啦喎，你可以去雀巢度問下。

9. 講過了，之前雀巢賣Crunch，賣畀乜水？就係意大利佬Ferrero。 Ferrero.本身已經有Kinder， Nutella， 金莎，加埋Crunch，絶對係邪惡中嘅邪惡。所以話意大利佬係世界文明公敵！講笑啫，Ferrero夠膽做咁多陰質生意（而家賣朱古力賣雪糕形象衰過賣大麻），唔係因為係意大利佬。係因為：冇！上！市！

10. 睇到呢度就明了。雀巢點解要賣走咁多朱古力呀雪糕呀之類嘅嘢？唔係唔好搵，而係怕畀人鬧，怕畀人告。特別係而家阿豬阿狗都講ESG（本人覺得相當搞笑）。上市公司，搞呢啲嘢，好易畀人搞—賣去非上市公司咪得。

11. 係喎，講埋對象嘛。今次接手Haagen-Dazs、Dreyer's同Drumstick嘅，當然係非上司公司。雪糕公司Froneri，大嘢，但應冇乜人識—最重要係冇上市。

12. 但可愛嘅係乜？就係，根撚本Froneri就係雀巢有份嘅！係雀巢同法國私募基金嘅合營。最初設立亦都係為咗甩走雀巢歐洲雪糕業務。唔好搵？唔好搵就唔會仲渣住啦。只係換個方式，唔直接持有，掃落地毯底咪冇咁覺。到時有人質疑，咪大條道理講「我地係純投資者，入面點營運你就問返Froneri啦」。你去問Froneri？非上市公司，睬撚你都有味啦。呢啲扯貓尾技巧，BBA101啦。總之衰嘢唔好自己直接做—但又要分返一份。

13. 然後真係明晒，今次掃落地毯底嘅，係美國業務喎。有冇令你諗起乜？咪就係煙仔公司，菲臘摩利士Philip Morris同埋Altria（http://bit.ly/30VRdnf）。兩間本是一家，做乜會分開萬寶路美國同萬寶路國際？就係因為美國監管嚴（同埋都成熟，反而中國印度印尼仲有大把潛在煙鏟）

14. 係喎，賣雪糕賣朱古力，真係等於賣煙仔的，幾咁大鑊。

15. 教訓？你鬧上市公司仆街？其實唔上市嘅公司先最仆街。當然上市公司可以cap多啲錢，後話。但上得市就要面對啲分析員呀，基金經理呀，環保人士呀，維權者等等嘅質問，然後又要搞一大輪去整啲咩　ESG報告，以表示本公司都好有良心—　當中都製造唔少就業同生意，有機再講

16. 不過都預告定，呢啲乜乜ESG有幾搞笑，用一個例子睇到：如果你買良心ESG基金，結果就會買埋好多沙地阿拉伯債券（https://on.wsj.com/2YNLoaS）。所謂好多，就係比指數被動投資者多。點解會咁搞笑？因為沙地阿拉伯在ESG方面做得好好架，ESG評級機構係咁講。你唔係質疑人地下話？

［雀巢股價創新高，多得……星巴克］

（原文：http://bit.ly/2GqUlyb　People like to drink Starbucks coffee outside of Starbucks, and it’s paying off for Nestlé）

瑞士（係呀）公司，全世界最大嘅食品公司（係呀），雀巢，早幾日出業績，勝過分析員預期，股價又創新高。

其中一個好重要嘅增長動力，就係嚟自咖啡。嗯，星巴克咖啡。

本人其實唔多飲咖啡，更加唔飲星巴克咖啡。我有個光榮紀錄，就係一杯咖啡都冇飲過但做到星巴克金會員（其實好易）。但你問我可能都唔識分，純粹就係感覺唔多好。我飲得最多嘅咖啡其實係……Delifrance嘅齋啡。或者有時高檔西餐咖啡或茶就飲咖啡，都係齋啡。

講到尾，咖啡嘅嘢我識條鐵。當然啲咩膠囊咖啡機我屋企唔會有（聽講呢啲係中產象徵喎），實不相瞞我連公司嗰部都唔識用。但冇關係，知道Nespresso好賣得好賺錢就得。而個款真係幾型，舖頭又型，有格調，啱晒啲窮中產扮品味。

咁又關星巴克乜事？舊年五月（圖入面指住個位）雀巢畀咗70億美金（嘩！）星巴克，換個獨家全球權利，在全球（即係除咗星巴克咖啡店外）賣星巴克嘅東西。當然仲有係膠囊出星巴克味，今年二月推出咗。

睇嚟個效果相當好，雀巢個展望都繼續提到咖啡。正如補返之前賣咗朱古力業務嘅缺口（http://bit.ly/2GsVOE2　雀巢在歐洲賣綠茶Kit Kat—　主要係因為填返個洞）。

舊文都講過，雀巢之前賣咗啲朱古力業務，怕投資者或消費者唔鍾意（http://bit.ly/2GvfIi6）。消費者你明丫，人人講健康，可能唔再買咁多垃圾食物。但又關投資者乜事？門徒劉華話齋，我買煙草股自己唔使食煙啫。都關，而家乜都講ESG（我個人覺得係相當戇居的），賣垃圾食物遲早好似賣煙咁畀人搞，或者基金股東唔肯買。買家乜水？買家係意大利佬，出名人無恥則無敵，況且私人公司，話知你死。

又，星巴克除咗收呢70億美金外，另外仲有佣分，冇講幾多，但相信唔多。而星巴克收咗呢70億美金，一來可以專心搞咖啡店（其實賣全球佢地點會叻過雀巢），二來即時宣佈加碼回購股票。星巴克股價一樣相當掂。真係雙贏了。

又，當然咖啡我都係識條撚。但我飲過星巴克在便利店賣嗰啲一樽樽咖啡，完全怕怕（呢啲東西不在雀巢單刁嘅範圍）。亦都話從來冇飲過膠囊，甚至唔識用．唔止一次去到人地公司人地叫我”help yourself” 我都想叫佢help myself。

故事嘅教訓就係，千萬唔好用你個人嘅體驗或品味去估公司啲產品得唔得。甚至問朋友都唔好，因為都係圍爐，你問我啲朋友其實都冇乜人食譚仔。正如我都唔明超級英雄片有乜好睇，但唔緊要，大把人睇。

教訓二，上篇寫歐萊雅都講過（http://bit.ly/2UIMgit　歐萊雅亞洲銷售首次超越歐洲，股價創新高。說好的杯葛呢？）。你睇雀巢嘅股價圖，三十度／四十五度咁上（都係嗰句：視乎你用普通圖定log scale，唔明咩係log scale嘅睇 那些年啦，唔明都生活得好好嘅），歐萊雅一樣係咁。雀巢嘅對手聯合利華都係咁。呢啲都係歐洲公司，不過其實做全球生意，所以歐洲股市根本好多唔係反映歐洲經濟。

教訓三，呢啲咁嘅公司真係十分屈機，我開始懷疑根本唔應該做咩分析員，有咩錢拎晒去買呢類公司，然後放落枕頭底算數。然後可能買著Johnson and Johnson（http://bit.ly/2Gu2aTF　強生股價回調 最佳聖誕禮物），或者Kraft Heinz（http://bit.ly/2IwDM8c　禍不三行，卡夫亨氏大插三成），但我幾相信十年後睇，今日嗰啲咩大插個圖根本睇唔到。

品牌呢，係真係好值錢的。不過人地係多品牌，品牌中嘅品牌，死一兩個都冇所謂。你咪杯葛LANCOME，一百幾廿個甚至一千幾百個，你杯葛得幾多個？唔係買霸權A，就買霸權B架啦。