😆早排男朋友生日去左Mr Steak 食大餐😋
對於兩個大食嘅人黎講🙈自助餐/任食形式就最滿足
所以今次我地係去左有Semi dinner buffet嘅分店💓
主菜有多款選擇，可以揀Pasta、飯、海鮮、生蠔、牛等😍
.
可以按個人喜好揀番，我地咁鍾意食肉😆所以就揀左：
1️⃣美國SRF極黑腰脊牛扒（$238）
呢個部位需要足夠牙力先食到，對箍緊牙嘅我黎講有啲挑戰，要慢慢食😆呢個部位脂肪相對較少，個人認為適合減肥中又想食肉嘅人（即係我男朋友😂），至於個味道，個人認為尚算入味，肉配上面嘅Gravy，再用肉包住喺旁邊拎嘅一粒焗蒜黎食，味道好有層次，如果個蒜再焗爛啲溶啲，再多啲香草味會更出色💓即係可以好似蒜蓉醬咁搽到落去
.
2️⃣聖凱倫牧場安格斯西冷（$278）
其實西冷都係腰脊肉嘅一部分，不過就係近啲對腳仔😆所以牛味、肉味較濃💓而且比較有咬口但又唔會太韌，而且熟成度控制得非常好👍🏻💯果然係Mr Steak‼️我地要嘅係Medium Rare，呢個成數好奧妙，佢肉嘅纖維開始出緊黎但又未完全出曬，而且又要煎完rest夠時間，先確保啲肉汁可以鎖住喺入面而切嘅時候又唔會有好多血水標曬出黎，而喺rest嘅過程，餘溫又會令塊牛扒再熟啲，所以好多時喺其他地方order4成， 到我切嘅時候已經係5成🙈但喺呢度，我估計廚師煎完果刻應該係3.5成，再計埋俾佢rest嘅時間，用餘溫煮熟埋佢果0.5成，所以到我食嘅時候就係完美嘅Medium Rare💯，睇到啲相都想再食多次
.
至於自助沙律🥗吧同甜品吧：
我真係每款沙律都拎左少少番去試，因爲色彩繽紛，可以擺靚靚影相💓個人覺得佢個華道夫沙律幾出色，雖然用左青蘋果🍏但都唔會太酸，味道剛好，係一道完美嘅開胃前菜👍🏻我好鍾意見到用好多水果做沙律嘅材料，覺得好清新好健康；另外，木瓜沙律都好食，生熟度剛好，唔會過熟溶溶爛爛，但同時又唔係生到食落「角角」聲，有鮮甜味👍🏻最得意嘅沙律係芝士腸仔沙律😂食佢會令我諗起熱狗🌭️因爲有gherkins又有腸仔😆🙌🏻食落酸酸地都幾開胃；開頭我見到Scone好開心，但望極都冇Clotted cream有啲失望🙈Scone一定要配肥美嘅Clotted cream先好味架，所以我最後係冇食到❌
.
整體黎講，呢度係大食寶寶（Me🙋🏻♀️）必到，呢個價錢食到semi buffet之餘，不論主菜定自助bar嘅野食質素都唔錯，抵食之選💓如果想好似我咁影靚相，建議晚餐時段早啲到，趁人少少快啲影左先📸
.
🐮Mr Steak (葵芳)
📍葵芳興芳路223號新都會廣場四樓488-490舖
.
.
.
#hkfoodie #hkfood #foodie #influencer #hkinfluencer #microinfluencer #hkig #hkiger #hkblogger #discoverhk #discoverhongkong #写真 #ありがとう #コーデ #ランチ #hk #openrice #hkkol @ Mr. Steak HK
