【 舞台劇 短暫的婚姻 綵排現場直擊開心大發現！】
電視版《短暫的婚姻》第一集對白選段：http://bit.ly/2omb8tC
專訪莊梅岩講解《短暫的婚姻》舞台劇版：http://bit.ly/2CZs3w9
去年10月，莊梅岩（Cancer）編劇、陳志發導演的ViuTV迷你劇《短暫的婚姻》首播，第一集其中一場，講述Malena（蔡思韵飾）來到鄰居Galen（陳奕迅飾）的家中作客時，瞥見對方家中擺放一張海報。
Mal：張Poster
Galen：《Cinema Paradiso》
Mal：香港譯做《星光伴我心》，呢套係我最鍾意嘅電影，呢個導演（Giuseppe Tornatore）啲嘢我都好鍾意。唔怪得之啦，頭先仲以為我自己聽錯，你播緊張Soundtrack呀？
Galen：（點頭）係。
Mal：呢個導演後尾仲有套戲，叫做《西西里的美麗傳說》（Malèna），我仲因為呢套戲，改咗自己個名叫做Malena，個女主角Monica Bellucci靚到呢，我都唔知點形容。
Galen：我冇睇過嗰套。
Mal：咁就唔好睇喇，如果唔係你一定話我唔知醜，你都鍾意呢個導演啲嘢㗎？
Galen：其實我唔識呢啲嘢，我太太生前好鍾意呢套戲，佢結婚嘅時候，我特登Bid咗嚟送畀佢，係意大利嘅首映Poster。
Mal：我見到，仲有導演親筆簽名㖭。
事隔一年多，距離《短暫的婚姻》舞台劇版2019年1月中的公演日期尚餘不足30天，現時四位主角 ── POON Chan-leung 潘燦良、 林海峰Jan Lamb、 Hatou 蝦頭 楊詩敏 以及 ＃禤思敏 正積極綵排當中，同樣由莊梅岩負責劇本創作，早前小弟訪問Cancer，她早已講到明舞台劇版跟電視版是兩回事，其中一個最大的分別，是電視版的重心放在Galen與Malena身上，Terry（郭偉亮飾）與Cecelia（蔡潔飾）只是配角，但在舞台劇版，四個角色的戲份都是平均。
故事橋段雖不同，然而上星期五（14／12）去到新蒲崗三角關係 Trinity Theatre的綵排現場直擊，發現有些電視版出現的情節和道具，去到舞台劇版都會再次出現，例如Galen初初搬到何文田街後，Malena為Cecelia刻意安排一次天台BBQ聚會，以及眼前這張《星光伴我心》（Nuovo Cinema Paradiso／1990）的手繪海報，右下方更出現舞台劇監製方俊杰的名字，在白板上作畫的不是別人，而是飾演Terry的林海峰。
訪問時，我問阿Jan到底是甚麼回事，在旁飾演Galen的「阿燦」潘燦良「插嘴」回應：「阿Jan真係好犀利，因為呢套劇我哋係有一張咁嘅海報，咁我哋第一日綵排嘅時候，唔知佢喺度做咩，只係見到對腳，隔咗一陣，好快，就見到塊白板出現咗呢張圖。」阿Jan則說，只是因為自己太無聊：「嗰陣時唔知自己做緊咩，我希望畀到人哋一個印象就係：『阿Jan都好喎！』唔想做完之後俾人話：『林海峰呢條友真係！』我純粹係為自己感覺良好！」這張手繪海報當然不會在公演時於舞台上出現，但我深信很多人應該沒有多少機會，能夠看清楚林海峰的藝術功架去到哪個水平，今次親眼望見，實在難得，所以理所當然要留影作實。
（19122018）
＃游大東 ＃游大東影視筆記 ＃短暫的婚姻舞台劇 ＃舞台劇 ＃短暫的婚姻 ＃林海峰 ＃蝦頭 ＃潘燦良 ＃莊梅岩 ＃方俊杰 大國文化 Fong Chun Kit Ah Yin ＃星光伴我心 Written on the Wind（電影資訊） 電光. 幻影 快樂的 The Culturist 文化者
