今次食嘅餐廳係位於銅鑼灣嘅<柞木炭家>。這間是全港首間以炸木炭韓式燒烤嘅餐廳，呢一點係吸引我來呢度嘅原因。
🥢免費前菜:
👍生醃魷魚: 我有時會特登去韓式超市買生淹八爪魚同魷魚，估唔到呢度前菜都有得食，真係要俾個like佢了👍。味道方面, 魷魚辣度適中，口感好煙韌。
👍泡菜: 酸辣程度啱啱好，亦唔會過鹹，正宗的味道。
🥢小食:
👍擔擔味噌茄子: 茄子係啱啱熟嘅程度，咬落去好爽口，配埋個微辣擔擔味噌醬真係好開胃。
👍壽喜燒和牛西冷: 西冷嘅油花好靚好平均，全程都係會有店員幫你燒, 保證生熟程度啱啱好!
味道方面，西冷嘅肉味好濃郁，連埋生蛋黃口感好嫩滑。
👌慶州極上黑毛豬梅肉: 個肉味好濃完全冇豬肉嘅騷味，因為佢係梅頭肉嘅部分，所以豬肉都好腍。
👌和牛牛肋肉: 牛肉有醃製過，食落有好傳統嘅韓式鹹甜風味，牛肋肉嘅肉質比較厚，呢個我建議燒熟啲會好食啲，全熟嘅情況之下，將肉汁鎖曬喺入面，咬落去個肉都會嫩D，味道都比較濃。
👍👍濟洲活鰻魚: 今餐叫咗幾款燒肉裏面最鍾意食嘅，鰻魚好新鮮，份量都好大件啊! 在場都會有店員即場幫你燒。
味道方面真係好鮮甜啊，而且鰻魚去咗骨，啖啖肉，鰻魚嘅表皮燒得脆波波，外脆內軟，呢個真係食到停唔到口啊!
👍和牛三文治: 這個真係不得了啊，首先麵包係烘過，表面係脆嘅，而入面都搽左啲芥末醬提昇和牛嘅鮮味，而和牛就係厚切嘅，和牛表層輕輕煎熟，中間呈粉紅色，牛肉嘅油脂都好豐富。咬落好鬆軟，牛味都好濃。
🥢飲品方面:
👌杯荔枝梳打，這個無什麼特別。
👍季節限定蜜瓜沙冰，當時店員同我講呢個蜜瓜沙冰係即叫即整，但我估唔到佢竟然俾咗成個蜜瓜我😍，個蜜瓜真係超大個，蜜瓜肉都好甜，分量情侶可以叫呢個一齊share飲都仲得。
總括嚟講，我覺得呢間餐廳食物質素一流，由前菜到主菜都充滿驚喜。唯一要改善的地方是餐廳樓面的清潔，地板有點癡立立。餐廳環境都好有情調同埋坐得好舒服。店員服務都好友善。如果大家都想試下正宗嘅韓式炭燒，不妨試下呢間啦!😉
味道:⭐⭐⭐⭐⭐
環境:⭐⭐⭐⭐
衛生:⭐⭐⭐
服務: ⭐⭐⭐⭐
抵食:⭐⭐⭐⭐
(5星最高)
💡Coming Soon 實況影片---> YouTube: April Lai
#thecharcoalroomhk #thecharcoalroom #koreancuisine #koreanbbq #柞木炭家 #柞木 #韓國菜 #韓燒 #燒肉 #和牛 #韓牛 #koreanfood #hkfood #hkfoodie #和牛三文治 #燒鰻魚 #hkvlogger #hkyoutuber #hungrybear #hktravel #香港美食 #香港旅遊 #香港韓燒 #打卡餐廳
koreancuisine 在 나비NaBi Korean cuisine - Menu, prices, restaurant reviews 的美食出口停車場
나비NaBi Korean cuisine, 桃園市桃園區. 1887 likes · 30 talking about this · 189 were here. korean fusion cuisine. ... <看更多>
相關內容