關於 k2 轉全日班 ，我們在網路上蒐集到這些相關的討論、資訊與評價

#近況

好鬼耐冇寫野喺e度啦～
其實呢個板只係比我打d長文章
(亦即係長篇大論嘅廢話🤣)
今次用返口語寫算喇🤣
究竟講咩好呢 就講吓我最近嘅生活啦
足足1年 我發覺世界變化好大...😱
我嘅生活變化都好大😱
之前小朋友K2疫症仍然未發生
佢可以返全日班(09:00-4:15)
我仲有時間同班媽咪朋友去high tea
蒸身 打羽毛球 食lunch
影相打卡 整甲 整頭 放狗 行街 美好嘅K2呀🥺
但估唔到嘅係2020年新年之後
依個疫情🦠會發生响全世界
人人戴口罩 生活360度轉變 要停課
實體教學改為I pad上zoom
搶口罩 不停用搓手液 搶物資
連佢最常去嘅公園 迪迪尼都冇得去
朋友又冇得見 出面堂食又冇埋😞
彷彿世界末日咁嘅2020年 真係諗起都頹😔
不停stay home
最開心嘅係
喺屋企等小朋友瞓咗覺之後
偶爾睇吓書Relex下 敷個mask
2020年10月份 我竟然又有咗小BB🤰🏻
我都估唔到
竟然可以俾老公說服到生第2個😂
說服左我咁多年🤣
然後就係接二連三嘅變化
BB初期嚟到我個肚 個人好攰好攰 成日想瞓覺🙂
但係只係得我1個湊住盈盈
當時好似係2020年10月中左右
定10月尾？唔記得啦
啱啱開始復課 每日早上勁早起身送盈盈返學
趕住返屋企 只可以瞓一個鐘頭
一接完佢放學就勁攰 又好想瞓覺
未必有得瞓 又要湊住盈盈
好唔容易捱到老公收工返嚟就可以9點上床瞓
真係日日暈陀陀 天旋地轉咁 之後疫情又再停課
慶幸嘅係唔使早起
就係咁捱過咗頭嗰幾個月 雖然辛苦好攰精神又差
但係好彩我只係嘔過一次
中期已經係非常之舒服 胃口亦相當好 精神好好
不知不覺2020完結 2021年又到左
開始準備佢入讀小學嘅野 睇好多資料
填表格大抽獎
係有d驚 怕扣門好攰(扣門好似喺6月至8月)
6月仲要係我預產期
希望佢入到心儀學校啦
之後屋企要大裝修
要裝修屋企就要大執屋
執左2個禮拜 日日清野 pack箱 超級多嘢搞
之前一直停課 小朋友開始就快要準備復課🎒
準備佢返學嘅嘢 然後又準備搬過去我媽咪度
一入去我媽咪度之後
發覺原來我媽間屋好鬼亂
一星期時間幫佢執咗好多嘢、扔咗超級超級多垃圾
大型垃圾 掉到清潔姐姐都鬧我太多垃圾
執到我懷疑人生
住咗幾日 就開始接工人姐姐🧕🏽黎屋企
上年10月開始去中介搞申請
因為疫情關係 所以手續、程序都比以前繁複好多
過到嚟又要酒店隔離 洗咗好多錢呀🥲💸💸💸
有冇人要我幫手湊下仔呀？
我可以同我工人姐姐一齊 幫手湊下你小朋友
幫下你手陪佢做功課陪佢玩幫佢沖涼
賺下外快都好吖
(講笑🤣🙏🏼)
2021年話咁快就到咗3月
最近終於都開返夜晚堂食
可以同朋友食餐生日飯
喺疫症期間 有時我都會咁諗
原來一啲正常不過嘅生活 唔係理所當然
世事無常 我哋真係要每一秒活得開心(離左題添)
我嘅孕期中 不停嘅產檢、產檢、產檢
我係2015年都喺係產檢中度過
所以當我等醫生嗌名、摸住個肚仔嘅時候
啲回憶突然湧返晒黎
人生好似一個圓形⭕️咁 跑跑下又返返去起點咁
工人姐姐嚟到之後
我就開始教佢生活上一切
姐姐係第一次嚟香港🇭🇰工作
之前佢係中東(卡塔爾)工作
所以完全唔熟悉香港
點樣搭車 接盈盈放學 認香港路 簡單中文
教佢屋企上嘅嘢 同埋照顧盈盈 屋企3隻狗狗
雖然人地話d姐姐初到屋企一定會勤力啲(扮下野)
不過我相信佢會對我地家庭幾好
因為我哋都待佢不薄 我係超級用心去教
態度都係超級好
佢有嘢忙緊嘅時候 某啲家務我落手做返
(但佢見到我做 佢會叫我唔使做 主動搶返)
其實諗深一層 要人哋真心幫你
就要自己拎個心去對人
人地係由外地隻身過來 雖然話有人工
但係連屋企人都冇得見
偶爾只係視像下 俾着係我一定做唔到🥲
我放假出街 離開盈盈一個鐘都開始掛住佢
手痕痕會想打電話俾佢😭
盈盈亦開始習慣姐姐
佢由BB開始就淨係癡實我一個
真係超級癡身 有時乜嘢都做唔到
甚至乎爸爸都唔肯跟 係最近先開始跟
連同朋友去食飯 佢都要等埋我返嚟先肯去瞓覺
所以見到佢開始 同姐姐相處到
會一齊唱歌仔 一齊講下英文 我都超級感動
以前我係一個唔識「放手」嘅媽媽
曾經講過話唔會俾姐姐湊
我係完全放心唔到交俾外人湊
不過而家再次有咗BB 一定要學識放鬆同放手
如果唔係 生活一定會被綁得越來越緊
自己會冇晒自己生活 唞唔到氣
冇得抽時間去做自己想做嘅嘢 最終只會辛苦自己
我希望可以學識慢慢去放手
畢竟連續五年做咗全職媽媽 全職照顧小朋友
假期都冇 要學習一下寬待自己
另外e個姐姐都幾窩心
每晚我同佢講第2日要好早起 所以叫佢早啲休息
一入房 佢會ws同我講
今日好多謝我
佢遇上一個好好嘅家庭之類(嘻)🥰
打住咁多先 聽日又要7點起身送佢返學
而家搬咗去阿媽度住 距離學校鬼咁遠
所以要晨早起身搭車
下個禮拜小朋友仲要做禮貌大使 返8:30(omg)

有時諗 唔知我生完第二胎之後 生活會點嘅呢
🤨黑人問號🤨

#照片唔係而家影當時係12週
#而家25週

Happy New Year 🎊
祝各位新年快樂，身體健康。
最緊要快啲抗疫成功。重見天日！
#2020長氣回顧

今年疫情嘅關係，大家生活都好大轉變。
每日都要戴口罩，勤洗手，不聚餐，不聚集... 聽到發夢都記得呢幾句。

今雖然過得冇以往咁好，但我都好仲感恩，尚算比較幸運嘅一群。
一家人有飯食，有屋住，有工開，要知足了🥰

幸運地2020新年前趕到尾班機去左一轉旅行。

上機前香港仲係天下太平冇乜人戴口罩。
幾日嘅旅程回來後，好似穿越左另一個世界咁。

我地算好彩，因為小囡返全日班每日用5個口罩，所以新年前幫雷囡買定足夠存貨。
旅程中又買到幾盒，仲有老公同妹妹喺日本掃到批貴貨返嚟，全家都總算唔洗為左排口罩而通宵達旦排隊（而家諗返當時嘅報道真係睇到喊...）

2020成年都冇乜點返學，雷小囡從入學到K1升K2，加埋返得幾個月學。唔知發生過咩事，
#好似只係學生手冊換左其他乜都冇做過... ，

日日對住2個女，家務做多幾倍但依然得24小時。老實講，情緒真係差左，脾氣都差左。

但停下來諗，呢一年多左好多時間相處，唔係疫情都唔會有呢個機會。
一齊做下啲無聊野、一齊幫屋企大執位。
斷捨離，終於執好間房俾雷囡s 。
小蝸居原來都可以有小天地，添置左滑梯加波波池。嚟緊仲想繼續添置啲遊樂場設施。
希望就算抗疫唔出街都可以繼續有快樂童年。

今年家姐準備升中，原本嘅面試九成改晒網上。原本諗住間間名校都報下，預左呢世人冇乜機會入讀，都可以去面試，入去校園見識下。
點知改晒ZOOM... 哈哈，對呢位怕醜嘅小朋友嚟講，又未嘗係一件壞事。

今年都未煩完升中，接住就要煩阿妹升小...
而家好後悔做乜我唔早一年生小囡呀？ 乜都由頭做過晒😭 真係 #輸在xx前...

雖然最近都有令人痛心嘅事情發生左，我地非常難過，但都尚算未到最壞情況。心痛是必然，但一家人可以一齊面對，互相支持，有愛，將來必定會更好。

疫情下仲可以一家人齊齊整整，平平安安。
家人關係密切左好多好多。都算係疫情中一點小確幸。

雖然真係說不上很好的一年，但都叫做平安，健康。

🙏🏻多謝各方好友互相支持互相幫助。
知我湊住2個唔方便出街，幫手代購，送埋俾我，真係好感動。

🙏🏻更多謝各位 Pr、Marketing、Agency 嘅大大，俾機會我地一齊合作。疫境中唔出街，你地嘅物資樣樣又非常合用🤣 多謝晒。仲經常體諒遷就，非常感謝🙏🏻

🙏🏻當然要多謝俾機會我學野嘅朋友，來年請繼續指教，祝你生意興隆，我要跟你搵食㗎😘

🥰最後，好開心今年識到好多互相幫助嘅Blogger 朋友仔。希望快啲可以除罩相見，真真正正一齊玩啦💕

希望2021大家快啲可以除罩相見，重見天日。
希望小朋友可以繼續喺公園狂奔。
可以繼續返學，識朋友仔。
希望大家快啲回復正常生活。
祝大家平安，健康💕

後記：
雷小囡越大越麻煩，一時俾佢笑死。一時俾佢激死。
把口就嚟叻過我喇！ #雷小囡是日金句
喺我拎住盒減肥產品時，佢即時搵到位讚我：
👧🏻媽咪，原來你食呢盒減肥野呀？唔怪得你瘦左咁多啦！
👩🏻阿囡，我開都未開woo,咁都瘦到咁勁？
👧🏻咁你而家咪好開心囉😅😅

#虛偽到暈

#舊相重post ,
#冇戴口罩嘅相要搵到一年前...
#抗疫成功
#踢走病毒
#新年快樂
#happy2021
#媽媽們今年多左樣最怕嘅就係zoom
#Zoom全部都係Zoom
#勁到連壁球班都ZOOM, #真係冇野難到香港人💪🏻

講得太好了！！！

#家長必看

【為咗適應 可以去得幾盡？】

阿豬媽近來聽到一些意見，覺得「去得很盡」：

1. 「讀幼稚園梗係讀全日好，早D離開下媽咪，快D適應小學生活吖嘛」
2. 「人人都想小朋友開心D，讀Happy School係好，但如果而家冇學術，將來會適應得好辛苦㗎喎」
3. 「K2開始唔好俾佢瞓晏覺喇，瞓慣咗的話小學點算」

孩子長大，父母當然會開始為將來學習打算。「去得很盡」，是原來有人認為只要能適應將來，孩子此刻的身心成長需要可以置之不理。

幼稚園讀全日或半日、學校是學術或Happy、瞓不瞓晏覺，這些都是家長的個人育兒決定。意見是可以聽，但若這些意見背後只出於「要適應」，而提不出更實質的好處，那又似乎是個無底深潭。

孩子出生的一刻，父母對他有甚麼期望？說偉大點的，可能是找到人生目標，對社會有貢獻，做個好人，孝順父母。說實際點的，是大個賺到錢養得起自己，安居樂業不要父母憂心。

可是，不知何時開始，社會迫使父母對孩子的期望簡化為「不要落後」。不甘落後，就花心思讓孩子盡早「適應」，嬴在乜乜線，之前所定的長遠目標都通通忘記。

因為小學不能午睡，所以K2開始不准午睡，用兩年來適應。
因為小學將會很辛苦，以免孩子Happy 慣，所以K1 開始習慣辛苦，用三年來適應。
因為小學要全日離開媽媽上學，所以N班開始上全日班訓練獨立，用四年來適應。

那阿豬媽豈不是現在要試穿成人尿片，來預備年老失禁的日子？把牙脫光再去適應使用假牙？提早幾十年足夠了吧？

因為要適應將來，所以要犧牲這刻。這個邏輯合理嗎？

適應力並不是透過剝削去培養出來的。不合時地被安排適應一個大人估算出來的「將來」，只會阻礙孩子的成長，也錯過很多合時的快樂。再者，若大人對「將來」的估算錯誤，現在孩子所預備的分分鐘到將來已完全不合用。那為何要放棄我眼前的實際需要和快樂，去提早適應一個未知的將來？

再說下去，適應了小學又怎樣？就是再適應中學、適應大學、適應出來工作，適應組織家庭......沒完沒了。

孩子一生，就是無止境的預備將來，但從來沒有活在當下。

在適當的時候做適當的事情，滿足不同階段的成長需要，盡情發揮各項潛能，培養一個心靈強壯的孩子。時候到了，不管是怎麼樣的環境，孩子都自然能適應轉變。

--阿豬媽

#K2預備小學
#N班預備K1
#Playgroup預備N班
#Playgroup預備班預備Playgroup
#Playgroup預預備班預備Playgroup預備班
#乜都提早預備一餐