2018 Hip版囍宴 楊紫瓊衝擊奧斯卡
我的超豪男友係2018嘅hip版囍宴。電影同樣講述文化衝擊、家庭壓力、同樣圍繞一場盛大婚宴勾畫劇情；最難得嘅係同樣全亞裔演員演出。
片中來自香港嘅演員Jimmy O. Yang話，我的超豪男友係亞洲版黑豹，"Black" Panther vs. Rich "Asian"，當中甚有意思。撇除種族，兩部電影嘅基礎都相當結實，劇本完整人物鮮明，已經係成功嘅一半。
我的超豪男友最出色嘅地方，係每個角色心底入面複雜、不言而喻、同埋往往大於自我嘅價值觀。主要角色源於本身文化背景嘅立場同堅持都各有道理，觀眾好容易投入「正反」兩方立場，被處於拉力甚強嘅兩難局面。當中「不言而喻」係重點，價值立場逐場累積，逐場build-up各不相讓，觀眾會越嚟越心急緊張，究竟最尾會點收科。
最好睇肯定係楊紫瓊，只要畫面中有佢，嗰場就係好睇。細心嘅角色設定加上楊紫瓊每個鏡頭展現帶領觀眾思路嘅內心戲，係睇得出嘅多年演出嘅沈澱。近年荷里活玩多元化意識形態，楊紫瓊問鼎奧斯卡最佳女配角不是夢。
電影中無奈都係出現咗唔少令人皺眉嘅「亞洲」moments，一個金髮反叛一個厚框眼鏡書呆子嘅富二代、四合院麻雀館、曇花花開party等，感覺老土。同時戲中全部配樂用晒中文歌都顯得有點over。
整體嚟講，我的超豪男友係一部基本盤打得紮實嘅佳作。加上選角到位，仲有一個聰明兼感人嘅結局，係一部為亞裔電影人開啟更多機會之門嘅領頭之作。
鬼哥俾81分。
#我的超豪男友 #楊紫瓊 #CrazyRichAsians #Asians #囍宴
jimmy o. yang 中文 在 歐陽吉米解釋為什麼亞洲人的數學這麼好Jimmy O. Yang (中文 ... 的美食出口停車場
... <看更多>