（長文慎入🙇🏻♂️）
從喺置地同輝陽食早餐見面傾到天荒地老，跟住佢叫我要再進修唱歌時嗰種心大心細，第一次靠Skype拜見意大利籍歌唱老師Fulvio，然後keep住跟佢喺香港嘅學生Guddy繼續上唱歌堂，當中又經歷咗啲係咪上咗堂就達到輝陽要求嘅疑惑心理壓力，終於第一次錄音又感到一啲不知所措嘅不安，心諗自己係咪真係可以錄得哂咁多歌！然後慢慢知道點做，開始感到重新學唱歌後嘅優點同威力，然後又慢慢地錄音順暢咗同再識得點去設計咬每一粒字同啲phrasing，之後錄每一首歌都感到自己慢慢成長咁，當突然又遇到進退兩難時輝陽又提醒我舊有嘅唱腔都唔駛掉哂佢，就當係可以隨時喺武器庫度攞番出嚟嘅兵器咁；錄音期中途都仲要成日唱live、又要做Chill Club，原來唱功真係不知不覺唔同咗、順咗隱陣咗同易上咗，個分別係大到可以即時令到Joey Tan同陳柏宇都feel到，然後走黎問我發生乜野事，我當然娓娓道來，然後陸續地我個歌唱老師就多咗好多學生喇！😂
直到12月24日，差不多有半年，終於錄哂11首歌（本身只係得10首歌，因為中途我出咗櫃，輝陽覺得點都要有隻新歌黎講我呢個case，於是乎，陳輝陽+林夕雙神降臨喺我身上🙏🏼。），對於每個禮拜要上兩日堂+錄兩日或三日音，中間仲要有好多show要唱，又有好多野要拍！所以我成日都出懷疑人生po！未封酒吧前每個禮拜都要搵一日爛醉，又每日都要做運動令到自己冇咁緊張同keep喺最佳錄音狀態，一到禮拜日或得閒我只係想放空（不過有時都要做野），係忙到真係冇哂朋友咁滯，連手都分埋，但係而家又好似有少少唔捨得呢個節奏......
呢個project一定係我有生以來最認真嘅project之一！不過要實行到真係需要多謝好多人，首先一定係陳輝陽！跟住就係改善咗我唱腔嘅Guddy！然後就係幫忙錄音嘅Thomas！仲有就係10個唔同單位比咗個機會我去重新演繹您地嘅歌，當然要感謝夕爺賜我新歌歌詞！仲有好多唔同嘅音樂人！當中包括Jason Kui，不但幫我編咗好多首歌，有時仲會傾吓計比吓鼓勵咁！仲要就係多謝出口幫拖嘅Serrini，真係正到癲Q咗！仲有一位就未錄我就唔講邊個住！當然最後要多謝小霖，冇佢就冇呢個project嘅出現，我亦都唔會諗住成40幾歲人仲跳出舒適圈無啦啦走去再挑戰自己！大感謝！
呢隻專輯如無意外將會喺下年年中左右推出，到時我再打千字文！多謝哂！
最後祝大家聖誕快樂！新年進步！主祐！
Serrini
guddy唱歌 在 AL陳柏宇阮兆祥跟佢學唱歌30歲Guddy教Edan撇甩鄉音 的美食出口停車場
歌手就算幾有天份，有時都要靠背後高人幫手，先可以好好發揮，令到大家聽到靚歌。《頭條日報》就發現近年樂壇有個急速冒起歌唱老師Guddy（陳傑龍）， ... ... <看更多>