對住我呢個極品上司，我真係灰到一個點。我覺得人唔聰明，唔緊要，我都唔係醒，甚至出名遲鈍，咁都冇辦法，好多野唔識咪學囉，上天送給人類最強大的力能，就係學習。
但係，好可惜，我上司唔係冇學習的能力，而係拒絕學習。
話說公司轉google drive… 其實google係出名易用、有條理兼簡單的，尤其是文件方面，支援線上修改，是非常好用的功能。每次修改過後，文件都會出現一個新版本，而我上司經常都會修改呢啲文件，咁結果，自然就有幾個版本出左黎。早幾日，佢走過黎問我的junior妹妹，做咩事會出現咁多個版本？(親愛的，唔通電腦檔案識得繁殖又要話俾你知咩？) 妹妹同佢解釋完個原理之後，佢叫妹妹刪左啲舊檔案，妹妹咁乖，當然會聽佢話幫佢刪，之後就順手教埋佢點樣delete google drive 上的檔案（點一下文件，再點一下垃圾箱icon，搞掂），佢聽完之後，話：這樣太麻煩了，以後你定時上來幫我刪檔案吧！
我差點忍不住「嘩」左一聲，呀姐，家陣唔係叫你寫個程式去overwrite個系統，係點一下垃圾箱icon而已，咁都懶？定係你崩口人忌崩口碗，唔太鍾意垃圾箱？結果依家妹妹每日定時都要上google drive替她倒垃圾。
我以為呢野已經好爆了，今日佢再走過黎搵妹妹，問點解份word doc 內文會有咁多條線? 妹妹話呢個叫tracking功能，大家改左啲乜你都可以逐個按accept鍵，看看你接受不接受。佢第一個反應：不可能有更改。（呃… 親愛的，難道電腦會欺騙你的純真情感？）之後妹妹真係好有心機話俾佢知改左啲乜，講左兩句佢擺一擺手：不用說了，那就全都接受吧，趕快給我，這文件很重要，老闆在等著見客戶！
我聽到眼都突埋，姐姐，word的tracking 功能唔係新科技來的，你之前二十多年工作都是用打字機的嗎？你邊套穿越劇跑錯片場了？而且老闆拿出去見客的這份文件，你明知被某人不知道改了些什麼，你這樣子閉上眼看也不看就交給老闆？萬一份文件被人改錯了怎麼辦？你係manager而唔係messenger嘛，說好的quality check呢？我做你上司的話真係多L謝晒你呀！
待她走後，我問妹妹：佢咁都得？
妹妹一臉無奈：佢唔係第一次係咁，成日人地做完啲野佢睇都唔睇就直接交上去俾老闆，但又會扮係自己做，咁老闆梗係覺得唔up to standard啦… 佢點會expect原來pitch間上司公司的proposal係由一個fresh grad寫架姐？於是佢咪成日俾老闆鬧，鬧完之後又走黎鬧我囉…
我：咁真係無計架，你作為一個新人做唔到senior manager水平的工作，我覺得情有可原啊… 你廿四、五歲如果有佢四十幾歲人的功力，你坐左佢個位啦…
妹妹：我覺得我佢用電腦好似教自己呀媽用電話咁…
#每日一癲
#StayFoolish
#自己垃圾自己扔
google doc 轉 word 在 [問題] Google Docs可以做繁簡轉換嗎？ - 批踢踢實業坊 的美食出口停車場
我用Google Docs有時會貼上一些簡體字，這樣就變成文件裡有繁體字也有簡體字
Docs裡面沒看到繁簡轉換的功能
微軟的Word是這樣做：
工具>>語言>>中文繁簡轉換>>簡體中文轉成繁體中文
就可以將文件中的簡體字變成繁體字
請問Google Docs該怎麼方便做啊？
謝謝
--
※ 發信站: 批踢踢實業坊(ptt.cc)
◆ From: 118.231.68.133
... <看更多>