//2020十大最愛 - 眼影、唔痴口罩嘅碎粉、萬能遮瑕膏Part 2//
精挑細選咗五樣化妝品🤣全部都係今年用得最多嘅items!
.
//試用 from @makeupforever // MAKE UP FOR EVER Ultra HD Micro-finishing Loose Powder
成年戴住口罩一定要上碎粉，試咗咁多款碎粉我覺得最唔甩妝就係MUFE嘅碎粉～就算夏天又熱又焗個妝都keep得幾完整幾乾爽，淨係會甩少少底妝落口罩，不過冬天咁乾燥用就有點乾
.
//自購// ZENN Day Three
見到我眼影hit pan就知好中意😍望落好平平無奇，但對我黎講係完美嘅neutral啡色，望落去隻眼無咁腫🥲同埋令雙眼皮貼更加隱形，大部分返工日子唔想諗，或者無咩心機化就會用呢格啡色掃兩下。粉質好幼滑容易blend，只係有少少飛粉。
.
//自購// GEMINI Eye Palette #02 Classic Garnet
另外一盒上年買又好中意嘅眼影就係Gemini！ 細細盒有matte又有珠光又有cream，三隻唔同色唔同質地都好高質，特別中意啡金色cream，用嚟畫卧蠶好自然。
.
//自購// CLE DE PEAU Concealer #LO
成年都無乜點搽粉底，都係查下遮瑕膏就算數。CDP呢支都算係我上年用得最多嘅concealer，coverage高，易blend，遮眼底同埋暗瘡印都好用又持久👍🏻呢幾日極乾燥用佢會有少少乾同唔貼，但係之前四季用都好好。利申我呢支日版，聽聞香港個枝無咁好用，唔知係唔係。
.
//自購// CHARLOTTE TILBURY Filmstar Bronze & Glow
想買好耐，上年見到佢出咁迷你版終於課金了。迷你版真係超可愛～bronzer 個邊我比較少用，因為佢有少少閃粉，用喺我塊面上邊唔係好自然。不過唔緊要，因為highlight個邊好正！效果偏自然自然，但係如果有光照到，就會見到好高級細緻嘅highlight。香檳金同我膚色好夾，完美融入又唔顯毛孔，無論搽cheekbone定係鼻樑都好夾。(swatch為咗鏡頭影到搽得比較多，所以好似有少少浮起咁，但平時掃上面係好貼服的！）
