【官方消息】
整合左幾單news同大家短評一下
🔵路夫斯捷克與球會續約五年 哩個舉動可以話肯定左佢喺車路士未來既位置 相信林伯特回歸會龍虎切得到既機會會更多 亦希望佢能夠喺傳奇中場帶領下進步發展更加全面
🔵莫拉達正式轉會至馬德里體育會 本身球會雙方既租借合約係會過埋黎緊哩季先完 不過車路士提早要求馬體會將其買斷 否則將會提早結束並招回球員 令後者迫不得已動用資金進行收購 計計埋埋藍軍喺哩單交易上都唔算蝕得太多 希望莫拉達返到西班牙再加上喺施蒙尼既雙前鋒配置下可以發揮得出應有表現 歐聯場上再見
🔵哩單交易就喺較早之前完成不過無乜人提 就係布理斯托城正式將卡拉斯收歸旗下 哩位借將自2010年加盟後大大話話都外借過五間球會 一直都未能喺藍軍企穩陣腳 而球員質素亦相當有限 相信留喺英冠發展對佢黎講會係最好選擇
🔵巴黎聖日門免費簽下車路士年輕小將布卡(Marcin Bulka ) 唔知大家對佢有冇印象 哩位波蘭小將司職龍門 喺上季熱身賽其實都有為車路士落過場 表現亦都相當穩定紮實 但由於一隊人手上經已有三位門將 佢全季亦只係喺聯賽盃其中兩場賽事擔任過一隊後備 因而選擇以自由身轉投法國豪門
🔵球隊已經正式開始季前集訓 而早前參與國際賽既球員亦會陸陸續續到愛爾蘭與大軍會合 暫時只有魯迪加、奧岱以及路夫斯捷克因傷留在倫敦休養 而於美洲盃四強受傷既韋利安將不能於決賽對秘魯既賽事中上陣 照計佢會係最遲歸隊既一員
🔵今年季前集訓球會無再參與過往既球會冠軍盃 而係自己選擇對手到各地訓練 暫時對於林伯特所選用既陣式同埋戰術配置都未有頭緒 要睇埋佢喺熱身賽點打先可以再下定論 而佢亦有表示每位球員所獲得既機會都係均等的 意味著所有球員都能夠喺熱身賽盡力表現自己 希望能夠留隊取一席位
圖片來源 : Twitter, Sport360, Bristol City FC, Paris Saint-Germain, Flipboard
-------------------------------
同場加映《車路士祖雲達斯雙雙放棄 從來我都是多餘的一人 – 希古恩》
https://bit.ly/2NCXCBl
#Chelsea #車路士 #林伯特 #路夫斯捷克 #莫拉達 #卡拉斯
