Search
又來"一年只可一度"的Costco入貨日 😅
好彩冰櫃仲塞得落~
最貴係個羊架，£15.x 一包入面有2排。
大推樹熊Ultra廁紙、Kirkland廚房紙、CP炸雞。
雲吞太佔位但Y先生好想食所以都買左。
好耐無食，配河粉廠出的河粉，成為雲吞河效果相當不錯~咁就KO了今晚的晚餐了~
再去和興買埋米~平過網上訂一截! £12.x 5kg vs £17.99 10kg的分別!
帶Y BB去左意粉哥哥屋企，
依個鐘意熱鬧的BB,
人前特別乖😅
返到屋企就作反了 🙈
仲以為9pm肯自己瞓大功告成，
用portal開住個monitor睇實他可以係廳睇電視tim。
點知睇左半個鐘多d, 就聽到喊聲從樓上傳來，
而個畫面原來freeze jor ge-.-
好彩無事。。。
之後Y BB就勁精神了。。。
可能今日搭車+行街時瞓得太耐了
(⊙＿⊙)
朋友屋企的即熱水機好細部又唔洗駁喉好正ar~
明明德國牌子，係香港買d款靚咁多ge-.-
又平。
【英國育兒筆記】產後Day 3 -關於人奶、剪脷筋、黃疸 Breastfeeding 、tongue tie 、jaundice
[Part 1] 人奶篇
生之前，已經決定會嘗試餵人奶，
但不會給自己太大壓力，
餵到就餵，
餵唔到就餵奶粉。
當日Health visitor電聯的時候，
有問她關於breastfeeding 的事，
問她是否需要準備奶粉或俗稱「水奶」的ready milk。
當時她的答覆是如果打算餵人奶是不需要準備這些的，
如果真的進行不到breastfeeding 再準備也不遲。
一副完全不擔心BB會「餓親」的樣子。
最終，我們沒有準備「水奶」，
因為聞說醫院有提供，
而且馬上去超市買也很方便。
但為了令家人安心，
Y先生還是買了一盒奶粉以備不時之需。
家中也準備好自購的UV消毒機、Hegen+vital baby+MAM奶樽、朋友送的蒸奶樽機等。
懷孕以來，
我們都蠻「佛系」的。
Y先生負責睇育兒書，
我則多以網上資訊或其他媽媽的經驗為主。
Y先生經常提著人類作為哺乳動物，
餵奶是天性。
他照顧過不少初生的貓、狗、馬、牛、羊，
人仔也是動物的一種而已，
覺得不用太緊張和擔心。 😅
既「跟書養」又「當豬養」就可以了。
做足兩手準備。
也是最近才知道原來37周後已可以嘗試擠初乳出來。
醫院的facebook也貼出了一些講解和指引。
所以當穿水回家等待時，
Y先生就嘗試了一下，
只是簡單幾下，
乳頭已經分泌出幾點透明的水珠!
算是為人奶路的開端打了枝強心針，
胸部已經準備好了!
[他說比擠牛奶容易太多了 😆]
到BB一出世，
Midwife 已經馬上抱BB來skin to skin,
之後就嘗試餵人奶。
Midwife 教導說看到BB 給肚餓的信號，
(feed on demand)
例如嘴仔開開合合、想吃手指、哭等都可以餵一下，讓他吃到自動離口為止。
也示範了good latch 是怎樣。
BB的嘴應該如何放、開多大等。
第2,3次時相隔4小時左右，BB會吃上近半小時。
之後每次喊我都餵他10分鐘左右。
而由於曾聽說最好每2,3小時便要餵一次，
所以我有留意著時間即使BB還未給肚餓的信號，
如果時間已經過了3個鐘左右，
還是會抱BB過來試餵一下。
但BB會表現得不太肯食。
到黃昏左右差不多到原定快可出院的時間Midwife 來巡房時，
她循例問有需要幫助的地方嗎?
我便跟她說我可能在breastfeeding上需要幫助，
因為BB好像不太願意吃的樣子。
她問：
上一次餵是多久之前?
餵多長時間?
由BB出生後餵了多少次?
當聽到我說約在2,3小時前吧、已餵了4,5次，
每次10分鐘到30分鐘不等。
她便哈哈大笑說：
"that's totally fine and more than enough, no need to worry。"
最重要的是BB並沒有哭鬧，
也沒有顯出肚餓的樣子。
"you will know when baby needs a feed 🙈"
一定喊到拆天的~
回家的Day 1,
Y BB 是超級乖寶寶，
很少哭，吃完奶便乖乖在床仔自己瞓，
每2,3小時才需要餵一次。
就算哭也是很嬌滴滴的，
不是喊破喉嚨那種。
但到了Day 2,
一切都很不同了。。。
由半夜開始，每1小時左右便要吃一次奶，
而且吃20分鐘至40不鐘不等，
乳頭都開始被吃得有點痛了，
要每次餵完後馬上塗nipple cream。
終於明白為何說餵人奶之路是可以痛過生仔。。。
陣痛都有得休息下，
每次痛1分來鐘便完結，
但餵奶的痛是BB每吸一下都痛。。。
還要一天下來足足餵了15次，近8小時 😓
開始擔心nipple 會損。。。
始終「士多啤梨奶」是很多人奶媽媽經歷過的事。。。
才Day 3 而已。。。 點捱?!
是否不夠奶、是否需要補奶粉，
BB尿量是否太少，BB會因喝不夠奶而有黃疸？
漸感壓力。。。
到Day 3，
情況就更差了，
餵得更密、時間更長。
由於到下午便會到Children Centre 見Midwife做Day 3 Check Up,
所以還是捱一下好了。。。
見到Midwide 再算。。。
Y先生也開始擔心奶量是否不足，
想嘗試hand express 一下，
還說了句忘了exactly 是甚麼而令我爆喊了一下。。。
類似話既然怕痛，不如都係餵奶粉la...
每個鐘都喊餓，大家都無覺好瞓，
超崩潰的。。。
當下的感覺是，
講到餵人奶就預左要痛？！
我自問都算幾捱得痛下，
但每吸一下都由入面痛出來，
已分不清到底係邊到痛。。。
他根本唔明有幾痛，
還好像覺得我無努力嘗試咁。
而且BB才剛吸了40分鐘，
仲邊有奶比你hand express ar...
幫我按摩通下乳線好過la...
之後收到Children Centre team的電話，
原來是breastfeeing support team，
她們借出了地方給midwife而自己則work from home。
告知了nipple痛的問題，
她說現在有網上的支援，
每天有1小時的Zoom meeting可以drop in~
好不容易終於到2:20pm 見midwife 了。
Midwife 一問到我感覺如何，
餵奶順利嗎?情緒如何?
我便告知nipple 開始痛了，
而且這2天開始超密時間超長，
早上還因為太痛而哭了。。。
也開始被家人問到是否需要補奶粉，
是不夠奶嗎?
Midwife 檢查後說乳頭開始有點破損，
聽到我說每個鐘都要餵這麼密，難怪會這樣。
2位Midwives 安慰我說：
"oh dear, you have done nothing wrong, you don't need to hand express milk at this stage, and you don't need to feed any formula"
Breastfeeding 是不應該會痛的，
會痛是因為nipple feeding 了。
之前媽媽谷朋友們已說很大可能是因為tongue tie,
Midwife 檢查後也確認了應該是tongue tie 而令feeding 出現問題。
也覺得BB 好像有點黃，
用儀器在耳骨度了一下後，
發現讀數剛踩了要treatment 的level 一格。
雖然讀數很大機會是高估了有誤差，
但穩陣起見還是到醫院再抽血檢查，
順道處理一下tongue tie 的問題。
叫我們馬上到醫院。
下回再續。。。
Momo還是要去醫院觀察3日... 斷斷續續發燒第4日，醫生建議即時入院驗血驗尿X-ray，做一個詳細檢查。好彩，不是流感等病毒，估計主要原因是耳膜感炎。要drip，鹽水和抗生素等等...
Momo第一次插drip和照X-ray，驚到喊，但冇反抗，叻叻！精神好點，想拆走手上的drip，最後還是停手，乖乖！Mimi亦話要幫忙照顧Momo，亦有好好照顧自己，都叻都乖！❤️❤️❤️
這次陪Momo入院，令我回想起Momo出生後，我們在醫院朝夕相處的幾天，很寶貴的時刻，現在take two，擔心之餘，亦感恩讓我們再有一次如此密不可分的相處時刻。
過去幾日，我85％時間係抱住Momo渡過，還要照顧Mimi起居飲食，總算神奇地攪得掂🙏🙏🙏 這場病，相信是Mimi由學校帶回家，Mimi先發燒咳，差不多好就輪到Momo和我，我還好，沒有發燒，只是咳到嘔，Momo就慘了，鼻涕那些污穢嘢去咗耳仔，攪到要留院觀察... 留院的3日2夜亦有笑位，要分享下！
這醫院的兒童病房全是獨立的，不用share房間和洗手間，要離開自己房先會見到其他小朋友。這裏的小朋友基本上都要drip，個個隻手包到iron man咁，當見到面時，佢哋都會一路行一路互望對方隻手，好似睇下係未同類咁，好攪笑😆今晚係最後一晚住院，護士知道Momo和我睡在同一張''床''(應該係可躺卧的梳化），問我要不要轉一張單人病床給我們（Momo唔肯自己瞓佢張BB病床），我拒絕了，因為都最後一晚。因為怕Momo跌落床或半夜自己拆走drip又或者太反瞓扯斷條喉，基本上我每半個鐘就會醒一次，竟然冇諗過換床，我都笑自己蠢咗😆冇幾耐，又有一個護士同我講，我而家似病人多過Momo，樣殘失聲，而Momo開始精靈返，佢暗示應該輪到我留院😆
這個醫生要讚讚讚，星期日早上又收到我哋求救，已上船出海休息，都即時回覆，並安排好即時入院和吩咐好當值醫生（佢徒弟）要做的事，而且佢竟然一落船就嚟睇Momo，親自檢查和解釋情況👍👍👍👍👍 護士亦要讚！每做一個程序和每次用藥都必先同我講解，見我病還給我喉糖❤️這間醫院都要讚，乾淨舒適設備完善（最愛霧化吸藥機）👍👍👍
Momo過去幾日，基本上拒絕飲食，只要母乳，努力堅持餵母乳到今曰，總算連反對我餵母乳的人亦冇聲出😎其實，我堅持餵母乳，只係想盡能力給孩子最好，那怕Day 1 已被身邊的人反對和責駡，我都一概不理。我當然冇諗過，Momo會病到拒絕飲食，只要媽媽，咁我唯有繼續努力餵餵餵吧！❤️❤️❤️
#最緊要健康＃謝謝醫生＃又過一關
