【第四波又禁晚市，2021牛年舖市前瞻】My quick view ....
林鄭月娥今早剛剛宣布晚市全面禁止堂食，美容院及健身室等關閉。 我覺得馬上會從減辣後本來是「火爐」中的舖市「急凍」。 買賣及租務成交，比起無第四波及有減辣刺激作用後，馬上會大減。本來好多業主施政報告宣佈工商舖減辣(11月26日)之後，馬上心雄反價/封盤，包括我在內，現在也馬上開始腳軟。 我依然在2021年底前目標要買入五億商舖，約30間街舖，但我依家還價都縮一縮。
我預期未來兩三星期會有好多負面新聞充斥舖市。 肺炎第四波高峰期、企業大裁員、 疫苗無想像中咁有效或無咁快抵港等負面消息不斷。 好多業主會等唔切， 再度劈價沽售!
【現在直至農曆新年(2021年2月12日 -牛年)預測】
整體數字方面，直至下年農曆新年 (2月12日)牛年，我預期:
(1) 租務成交的減幅會較買賣多。 租舖是睇未來兩三年，買舖是睇未來二三十年。 未來兩三年睇唔通，但未來二三十年好多人覺得現在是舖市撈底好時機。
(2) 租務方面，成交量和施政報告宣布減辣(11月26日)前比較，量跌約2成，租金跌約1成。 好多租客會再睇定啲，hold 一 hold.
(3) 買賣方面，成交量也會因為肺炎第4波而跌，但跌幅較少。 因為好多買家現在減辣後想趁低入市， 我預期成交量和減辣(11月26日)前差不多， 甚至乎有輕微上升一兩成。 如果沒有肺炎第四波，買賣成交量就大幅飆升起碼5成。
(4) 成交價方面則會下跌約多5%至10%。 本來減辣後，根據利嘉閣估計，有約6成業主都反價，封盤。但現在都因為第四波高峰期已開始腳軟 ，過兩三星期， 等佢哋受多方面負面消息的洗禮，就會開始跪低，等唔切，劈價求售。 市場上蝕本成交的個案也會大幅飆升 。我收唔少這些蝕讓盤，越來越多。You will see....
我睇舖市要有好消息出，就要等到下年農曆新年(2021年2月12日)後才大機會轉勢:
(1) 肺炎第四波希望大家平安過渡
(2) 政府200億買舖，第一期90億，落實誰中標，開始畀錢過數。
(3) 美國拜登上台後，中美關係有望改善， 工商舖投資氣氛自然轉佳
(4) 旅遊汽泡再得以落實，及與內地開始通關， 旅客/自由行開始逐步逐步返嚟。 一次過返唔曬，但一個都好過而家零個。
(5) 最重要最重要，就是有希望第一個香港高危群組下年第一季開始接種疫苗， 逐步逐步落實全民打疫苗， 大家開始有望除低口罩，etc etc
【2021年的整體舖市預測】
舖市買賣下午農曆新年後就到時有望正式復甦。租務反而要等多一兩季。由於工商舖減辣，我依然預期，舖市下年整體買賣成交量會由今年約1000宗，大升起碼5成至一倍，至近2000宗。
價格方面也會觸底回升。 部分細碼的民生舖， 由於樓市資金轉投舖市，會上升10至20%。 核心較大碼的舖(3000萬以上) 則會止跌，價格橫行至2022年。Will see...
大家這幾星期，撐住? 保重? 李根興 Edwin (盛滙商舖基金創辦人)
#肺炎第四波，#晚市禁堂食
