【做人上司甚艱難?!】
積金丸最近發現時光飛逝,好多以前仲係學生嘅fans唔單止已經踏入職場,當中有唔少仲已經升職成為人哋嘅上司添😊 其實初初成為上司,真係需要好多適應同調節嘅,今日就同大家分享幾個小貼士啦~
1. 接受身份轉移
先從調節心態開始,要有足夠嘅自信心當個「指揮」,才可好好分配工作給下屬,千祈唔好自己做晒所有嘢,以免影響整個團隊應有嘅運作同團隊精神。
2. 工作同職位要相稱
升職之後,就唔係只做番以往自己熟悉嘅工作,而係著重多啲分配工作、內部溝通協調,仲有檢視進度同品質,而唔再單單只係負責執行。
3. 要下屬做得比你好
「教得下屬嚟,自己都做咗啦」係最常見嘅謬誤,作為上司應該教導下屬去做,讓下屬越早接棒,自己先有時間同空間去做更高層次嘅工作。
歡迎大家留言分享做上司嘅小貼士,等更多上司新鮮人受惠!
#滾續達人 #上司實習生 #管理真係唔容易 #上司唔收工做細嘅邊敢走 #做上司定做小薯算
Search