草間彌生（くさまやよい）係被喻為殿堂級經典藝術家，除了藝術作品外還百足咁多爪，平面、立體、小說及詩集全部都勁爆前衛具影響力，上年仲係日本攞埋文化勲章👏🏼👏🏼👏🏼講名你可能唔知係邊個，但一提到最多人熟悉嘅代表作「南瓜」我估你一定認得！！因為彌生ちゃん嘅最具代表性嘅作品都離不開密集恐懼症，特別係波點（日本叫 #水玉強迫）可能同佢小時候患精神障害有關。至於生平事蹟就唔多講，自己去WIKI SEARCH下～😩
丫仁都係由水玉強迫嘅南瓜而認識呢一位88歲現役藝術家，到2016年仍然有新作推出！！不得不甘拜下風～🙇🏻🙇🏻🙇🏻由即日起到5月22日（月）都可以係六本木嘅国立新美術館睇到佢一生嘅作品，點解講「一生」？？因為成個展覽由作手繪認真LOOK到2013年裝置藝術品「無限鏡屋：數百萬光年外的靈魂」，小朋友最喜愛的互動專區「The Obliteration Room」總知係海外曾經出現過重點展覽都一樣有齊。
我入到館內第一個區就睇到無數閃光燈係咁閃，第一個區主要係放2005年後的作品大廳，竟然係可以任影相任扮POSE😅😅可惜小弟一個人來，無扮文青影兩張相就收工。近代作品用色極度強烈鮮豔、題材以圍繞天國為多。望到入口右手邊有個「順路」字眼就開始認真起來🚫🚫🚫唔俾影相🚫🚫🚫收藏彌生ちゃん前期作品 #自己消滅 系列睇到成個人都好灰。1960年代還未思想開放，仲可以着BIKINI任貼波點影片，同時亦有令小弟印象深刻嘅「マカロニ・コート」遠睇以為只係一件掛滿飾物嘅褸，望真D原來係將通心粉同褸噴上金漆油😯😯😯經過「無限鏡屋」同「軟雕塑」地帶就可以到展覽館外觸摸「南瓜」唔覺唔覺就睇咗兩個鐘🤣🤣🤣🤣🤣
你或者同我一樣比較鈍，唔知文藝復興／巴洛克時期嘅大作邊個打邊個！但個人嚟講草間彌生玩味比較濃，用嘅媒體亦不限於作畫，可能當新手入門級比較好👍🏼總而言之，去一去六本木個展就好似認識咗彌生ちゃん一生咁！快D去加入到你嘅行程到啦～唔好俾佢寫六本木呃到，最近車站係乃木坂6號出口！點解我要強調？因為我都係受害者😢
http://kusama2017.jp
ps：有錯請糾正～
#大丈夫 #工作遊記 #通心粉褸 #マカロニコート #軟雕塑 #TheObliterationRoom #互動專區 #無限鏡屋 #国立新美術館 #六本木 #現役藝術家 #南瓜 #文化勲章 #經典藝術家 #彌生ちゃん #草間彌生 #文藝復興 #巴洛克時期 #わが永遠の魂 #乃木坂
